Hiehiehie ek wonder wie gaan hierdie opskrif reg interpreter.
Goeiemore al julle mooi bloggers. 😊
Splinternuwe dag met splinternuwe kanse. Mag ons elkeen vandag ‘n stukkie miracles & magic raakleef.
Daarsy …. dit was toe wel ‘n vinnige enetjie.
Trees are sanctuaries. Whoever knows how to speak to them, whoever knows how to listen to them, can learn the truth.
Herman Hesse
Ek het so rukkie terug geskryf oor my liefde vir bome, sien skakel hier onder:
https://lollasegoete.com/2022/01/02/sonder-begin-of-einde-my-liefde-vir-bome/
Ons was die afgelope naweek na die Hasiepark toe hier naby ons. Iemand by die Saterdag mark gaan ondersteun en toe ‘n entjie gaan stap. Ek kan myself verloor so tussen bome. Dis kiekies en nog kiekies, ooeeee aaahhh en nog ‘n kiekie, bietjie vat-vat en boomdrukkies uitdeel. Pure lekkerte. Die Ingelsman het half iesiegrimmig maar ooh so geduldig saamgestap. Wat ‘n heerlike oggend!
In die koelte van 'n groot ou boom
wil ek vir oulaas stilraak, wegraak
tussen verstrengelde takke vol blaarbehangsels,
vertakkings van gister se gisters.
Lig, soos 'n veer.
Stof.
Net stof.
Onder 'n groot stokou boom.
LollaseGoete
#lollasekiekies #lollaseboomstories #lollasegoete
LollaseGoete (Lolla's Thingz) 