Wolke Betjoinks

Ek het letterlik derduisende fotos van wolke. Skuimeriges, wolleriges, aggresiewe wolke. Kleines, grotes, enkeles …. wolkkomberse en marshmallow wolke. Spatsels wolke en fabelagtige wolke.

Maandagmiddag-wolke Asem-wegslaan-wolke
Kwaai wolke met hael-boepense

Soms wonder ek hoeveel mense nie die wolke raaksien nie. Is almal soos ek, altyd gereed om met die volgende vertoning weggeblaas te word na ‘n wonderwolkewêreld. Is daar mense vir wie wolke net “ag dis net nog ‘n wolk” of “wolke, huh, watse wolke” is?

Al die fotos hierbo is vroeer die week met my Samsung foon geneem.

So wat reken julle? Is die daaglikse hemelse teater vir almal ewe asemrowend of minstens ‘n gewaardeerde verskynsel? Óf, is Lolla met die maan én met wolke begogeld?

Lolla liefdegroete ☁️☁️☁️💙🤍💙

12 thoughts on “Wolke Betjoinks”

    1. Hlo Una – ek is so bly om te hoor hier is so baie van ons wat gaande is oor wolke. Eintlik, wat so in voeling is van die natuur en die mooiste mooi om ons. So ‘n titseltjie mindfulness, of hoe. Liefdegroete xx

      Like

  5. Oe, jou wolke foto’s is so mooi. Ek kyk ook altyd na wolke en het al foto’s daarvan geneem. Soms sien ek figure in wolke raak. Ek is weer son bedot. Son opkomste en ondergange – daarvan het ek al seker duisend / meer foto’s van geneem. Haha, ander mense is met die maan gepla, maar ek met die son.

    Liked by 1 person

  6. Die dag se wolke se vir my soveel van n mens (my) lewe… soms donker, soms lig, soms helder soms asemrowend en soms vreesaanjaend… en so is elke seisoen in ons lewe, soos wollke

    Liked by 1 person

Comments are closed.