Category: Skryf in Afrikaans

Stilte op Stilte

Hier waar die stilte jou kern aanraak
Waar die ligte wind jou siel streel 
En die dinge anderkant die plaashek jou min traak

Hier waar die hitte jou moegmaak
Waar die aarde hard met jou praat
En die voëlsang en goggaroep jou laat hunker na minder teer- en meer stofstraat

Dis hier, in die ruig ooptes, in jou diepste binneste,
Waar net jou siel se sagte asem saakmaak.
Die Boshut op Stilte
Vroegoggend op Stilte

#lollasegoete #lollasekiekies #natuur #rus #stilte

My Heel Eerste Haikoe (Haiku)

Sover ek verstaan is Haiku ‘n vorm van Japanese digkuns, wat wêreldwyd in vele tale beoefen word.

Anders as van ons meer bekende digvorms is een van Haiku se reels dat dit nie rym nie.  Dis een gedagte wat ‘n Wat, Waar en Wanneer bevat en in 3 lyne ondermekaar geskryf word. Die volgende reels geld ook, alhoewel sommige tale meer moderne, unieke vorme van Haiku bekendstel.

‘n Haikoe bestaan uit 17 lettergrepe…

  • Lyn 1: bevat 5 lettergrepe
  • Lyn 2: bestaan uit 7 lettergrepe
  • Lyn 3:  5 lettergrepe

Aanvanklik het Haiku temas die natuur beskryf, emotief.  Maar – en hierdie maak my kreatiewe hart vrolik – daar is spasie vir groei, ontwikkeling en innovasie.

Dit het my ‘n redelike tydjie gevat om my eie eerste Haikoe in Afrikaans te skryf.  Hoe ‘reg’ dit is weet ek nie.  Maar dit voel reg, en lekker.  Ek deel dit graag hier met jou.

Lyk dit dalk makliker as wat dit is?

Wie van julle het al ge-Haiku?  Deel gerus julle gedagtes en ervaring hier.

LollaseGroete