En, Juffrou Grobler, toe is dit Saterdag

En dan, is dit Saterdag
en jou nuwe kort kapsel is stomp in jou nek weggebind want dis warm.

En die blokkies van jou emosiehekelbers word aanmekaar gehak met 'n nuwe neutrale kleur.  Die is nou ry nommer 4.  Elke ry bestaan uit 14 blokkies, dus 14 dae.

En manlief se Nigela aartappelgebak ruik hemels daar uit die oond.  Vandag eet ons lekker na die afgelope week se suksesvolle gesond-eet.

En saam met die lekkerruik belofte van 'n koningse maaltyd word 'n groot, fênsy glas gevul met 'n gevriesde jenewer mengsel voor jou neergesit.

En jy onthou toe Juffrou Grobler verduidelik het, jy begin nie 'n sin met 'En' nie.

En jy mis mense en plekke maar jou hart loop oor, soos manlief se oorvol ginglas nou-nou, want die Liewe Here het jou gebless met die gawe om erg-diep te voel. En nóu voel jy meer as enigiets anders dankbaar en tevrede. Al jou enne is meer as genoeg en jy kort nie meer of minder en die en daai nie.

En dis Saterdag. Liverpool en Chelsea speel bal op die tievie.  Vlooi stamp die pienk squeaky bal in ons rigting, maar ons gaan nie nou saamspeel nie.  Ons bubble. 

Dis Saterdag.
 

17 thoughts on “En, Juffrou Grobler, toe is dit Saterdag”

1. En so mooi geskryf.🤗

   LikeLike

2. Ek begin vandag nog nie n sin met “en” nie. Nie sommer nie.

   LikeLiked by 1 person

   1. Ook nie met ‘toe’ nie. En toe word summier doodgetrek in rooi pen.

      LikeLiked by 1 person

      1. Yip

         LikeLiked by 1 person

   2. ☺️🤭 ek ook nie eintlik nie hoor. Maar hier in blogland mag ons mos maar soms buite die lyne skryf. 😊

      LikeLike

3. En daar skryf jy oor ‘n heerlike Saterdag. Mooi gedoen hoor.

   LikeLiked by 1 person

4. En daar skilder jy die perfekte dag en ek hoop jul span het gewen….as ek soh skree sou dit vir Chelsey gewees het!!

   LikeLiked by 1 person

   1. Ek skree vir enigeen wat teen LP speel ☺️

      LikeLike

      1. Yay!!!!

         LikeLiked by 1 person

5. En ek het die skrywe sommer baie geniet! 😀

   LikeLiked by 1 person

   1. Hjierts. Baie dankie en baie bly. ♡

      LikeLiked by 1 person

6. En toe word taalreëls mos al minder streng. En toe word dit al lekkerder om mooi te skryf. en ek is ook mal daaroor.

   LikeLiked by 1 person

   1. En ek is so bly jy kom loer hier by my in liewe seegogga xx xx

      LikeLike

7. En toe is dit Maandag en jou skrywe laat my glimlag

   LikeLiked by 1 person

   1. Nê! Dan is ek sommer net bly en dankbaar want glimlag is eksieperfeksie. Mooi Maandag vir jou.

      LikeLiked by 1 person

8. Ek is mal oor jou uitdrukking, “ons bubble”, dis so beskrywend. En, ek is mal oor jou skrywe

   LikeLiked by 1 person

   1. Baie dankie xx

      LikeLike

Comments are closed.