Deur Koue Bekruie

So loop lê ek vroeer in ‘n stomende bad met soute en borrels en ‘n net-so-stomende beker koffie.

Dit is ysiglik, ontsettend koud vandag. Die wind waai al heeloggend tussen 24 – 36 kph in ‘n Noordelike rigting. Of altans, so beweer my twee weer-toeps.

Ek lê en kyk deur al die nuus en boodskappies op my foon. Praat met paar vriendinne, plaas ‘n klient se bestelling, sorteer fotos.

Die koffie is al laaankal klaar gedrink. Ek tap so met my groottoon 2 maal nog warm water by. Ek week, was en prokrastineer soos ‘n kenner.

Dis toe dat ek voel hoe my ore pyn. Dis omtrent net my ore, boobs, stukkie pens en paar tone wat bo die watervlak uitsteek. O, en my gebuigde knieë. Ek loer vlugtig na die tyd op my foonskerm. Goeie Liefe Donnor tog ek lê al ampertjies 2 ure in die bad. 🙄🫨😳🥶

Die uitklim was moeiliker as die inklim. Daar loop darm nou weer bloed deur al die gevriesde are. Die rinkelvel is amper weer glad. Maar my ore pyn steeds.

More stort ek!!!

Lolla-wintergroete ♡

20 thoughts on “Deur Koue Bekruie”

  1. Ek bad ook. Lekker kank, met lort kirt warm watee by. Want stort is net te koud. Ek sak stort as ek te oud is om te bad. Maar 2h lank in d winter is dalk bietjie te lank.

    Liked by 1 person

  4. So ‘n lekker le in die bad is pure vreugde (as niemand jou natuurlik pla nie)! Draai jou maar toe in warm goete en maak hot chocolate ☕️ … of wag, eet sommer sjokolade – dit sal beslis help!!

    Liked by 1 person

  6. Lang bad is uit by my. Ons 2 ou mense bad in een bad water ( om te spaar) so omdat ek met n haastige man getroud is moet ek splish splash deur die bad…dan klim hy in en??????? Lê!!!! Ek sê maar niks. Eendag sal ek weer my eie bad en tyd hê😅

    Liked by 1 person

  7. Ek splish splash ook gewoonlik, Saterdae sal ek soms bietjie langer lê, maar 2 ure, joh dis lank. Ekke hou nie van stort nie, my hare raak nat en daar is altyd die keuse van of voor of agter nat en die ander kant kry koud, nee dankie.

    Liked by 1 person

Comments are closed.