- Ek weet, ek is skaars.
- Amptelik ‘werkloos’, ‘n selfgekose status natuurlik.
- Die wind is besig vandag – herfskoud en rats.
- Ek word later die week ook een van die IV-vitamienedrip proewers, iets wat mens al hoe meer sien en van hoor. Vertel ‘n storie op sy eie. Ek vertel later meer.
- Skryf is lekker. Skryf is ook harde werk.
- Ek het die week my eerste slouchy beany gehekel. Hak was nog nooit werklik een van my sterker vaardighede nie, al het ek in ‘n huis vol talentvolle haksters grootgeword. Ek is in my noppies.
- ‘n Skryfkompetisie…. Ek is deur na rondte 3. Hou julle hier op hoogte.
- My slimfoon waarsku alweer dat daar nie meer plek vir ‘n muis of ‘n punt of ‘n foto is nie. Tyd vir opruim.
- Ek reken rock-bottom lyk anders vir elke mens. Ek glo ook daar is altyd tog nog bietjie spasie onnerkant daai bottom. Die ding is, niemand van ons kan ooit ‘n kenner wees oor iemand anders se laagtepunte nie, kom ons wees versigtig en spaarsamig met ons wyshede.
- Elke dag het ‘n spesiale ligstraaltjie – en dikwels is hy êrens in jou eie binneste. Onthou om daai straaltjie te deel.
- My dag het stadig begin en selfs nie eens ‘n katastrofiese kinkelkoek in my fyn haartjies kon my van koers afgooi nie.
- Groot verjaarsdag vandag – my oudste hartskind is 21. Vandag wens ek sy pa was hier om dit saam met hom te vier. Ek is trots op jou Seuna en ek mis jou en jou kleinboet.
Lolla-groete
Geluk met jou kind se verjaarsdag!
LikeLiked by 1 person
Baie dankie Tannie Frannie xx
LikeLiked by 1 person
Ek het gewag hiervoor. Skryf kompetisie? Geweet jy kan, maar hoekom hoor ek nou eers. Ek skreeu vir jou, bid vir jou, koop my vingers en tone vir jou!
LikeLiked by 1 person
Ek was effens stil die laaste ruk. Sal later weer meer vertel. Dankie vir die ondersteuning en aanmoediging.
LikeLike
O koek, dis ‘n hengse koek daai! En hartlik geluk met jou seun se 21ste EN jou skryf kompetisie vordering … dit vra vir ‘n viering! Ek hou van jou uitsig terwyl jy klapper(?) koffie geniet 🌸.
LikeLiked by 1 person
Baie dankie. Ja ek dink dis tyd vir vier! Jy’s reg.
Hehe ek noem dit klapperkoffie…..
LikeLiked by 1 person
….. Skies daar druk ek ‘stuur’ vir ek klaar was…… Carribean Mocca. Romerige koffie met coconut geursel. Dis pure lekkerte.
LikeLiked by 1 person
Jy’s reg, dit moet pure lekkerte wees! Ek sal tog die naam onthou vir ‘n volgende besoek aan ‘n koffiewinkel …
LikeLiked by 1 person
Baie geluk met jou seun se verjaarsdag, Lolla.
LikeLiked by 1 person
Baie dankie Una xx
LikeLike
Geluk met jou seun se verjaarsdag,🌻
LikeLiked by 1 person
Baie dankie, waardeer xx
LikeLike
Pragtige pienk kleur mus wat jy brei.
LikeLiked by 1 person
Dankie Daisy. Ek lief ‘n lekker warm mus op my kop wintertyd. Gewoonlik brei ek, maar hierdie ene. Is my 1ste hekel poging. En dis die lekkerste, sagste wol wat ek gekoop het. Ek het nog so ‘n sagte mint-groen wol, moet besluit of ek nog ‘n mussie gaan aanpak. 🧶
LikeLike